სრულიად საქართველოს კათოლიკოს-პატრიარქის ილია მეორის ლოცვა-კურთხევით, 2026 წლის 1 მარტს ივერიის ყოვლადწმინდა ღვთისმშობლის ხატის ასლი მცხეთის სამთავროს წმ. ნინოს სახელობის დედათა მონასტრიდან მახათას მთაზე მშენებარე ღვთისმშობლის სავანეში გადმოაბრძანეს .

საუკუნეთა განმავლობაში არ განელებულა ქართველთა მოწიწება და პატივისცემა ივერიის ყოვლადწმინდა ღვთისმშობლის ხატის მიმართ. ხატის ასლი საქართველოს არაერთ მონასტერშია დაბრძანებული.

ხატის ასლი დაიწერა ივერონის მონასტერში და საქართველოში 2020 წელს ჩამობრძანდა. საქართველოში წამობრძანებამდე ხატი ათონის მთაზე ივერონის მონასტერში დედა-ხატთან იყო დაბრძანებული.

დღეიდან ივერიის ყოვლდაწმინდა ღვთისმშობლის ხატის ასლი მახათას მთაზე ივერიის ყოვლადწმინდა ღვთისმშობლის ხატის სახელობის ტაძარში დაბრძანდა და მომლოცველებს საშუალება აქვთ მოილოცონ ეს სიწმინდე.