ქართველები იმ იშვიათ ერებს შორის არიან, რომლებიც ქრისტიანობას საკუთარი დამწერლობით შეეგებნენ. თხუთმეტი საუკუნის განმავლობაში ქართველი ბერები და მწიგნობრები წერდნენ, თარგმნიდნენ და ინახავდნენ წიგნებს: იერუსალიმსა და ათონზე, კონსტანტინოპოლსა და სინას მთაზე.

ამ წიგნების ყველაზე დიდი კოლექცია დღეს ხელნაწერთა ეროვნულ ცენტრში ინახება. მისი საუკეთესო ნიმუშები, V საუკუნიდან XIX საუკუნემდე, საზოგადოება ივერიისას ინიციატივითა და ფინანსური მხარდაჭერით ერთ გამოცემაში გაერთიანდა: „ქართული ხელნაწერი მემკვიდრეობა“. წიგნი გამოიცა ქართულ და ინგლისურ ენებზე.

ყოველ ხელნაწერს თავისი ამბავი აქვს: ვინ დაწერა, როგორ გადარჩა, რა საიდუმლოს ინახავს.

ამ ამბებს ყოველკვირეულად მოგიყვებით.

გამოცემა შეგიძლიათ უფასოდ ჩამოტვირთოთ ჩვენი ვებგვერდიდან: iveriisa.ge/ka/books