14 ოქტომბერს საქართველოს მართლმადიდებელი ეკლესია უფლის კვართისა და სვეტიცხოვლის დღესასწაულს აღნიშნავს. ამ დღეს გაგიზიარებთ ამბავს ხელნაწერზე, რომელიც საგანგებოდ სვეტიცხოვლისთვის შეიქმნა.

1681 წელს კათალიკოსმა ნიკოლოზმა სვეტიცხოვლისთვის დიდი საღვთისმსახურო კრებულის, გულანის, გადაწერა დაუკვეთა. ხელნაწერ წიგნზე ხუთი გადამწერი მუშაობდა, სამეფო კარის დეკანოზმა მიქელამ და საბა მღვდელმა კი ის წმინდანთა გამოსახულებებითა და საუფლო დღესასწაულების მინიატურებით მოხატეს.

დღეს ეს ხელნაწერი ანჩისხატის გულანის, ასევე სვეტიცხოვლის გულანის სახელით არის ცნობილი და ხელნაწერთა ეროვნულ ცენტრში სამ ნაწილად ინახება.

ივერიისას თაროდან · ხელნაწერის ამბავი

„ქართული ხელნაწერი მემკვიდრეობა (V–XIX სს.)“ · ხელნაწერთა ეროვნული ცენტრი · გამოიცა საზოგადოება ივერიისას ინიციატივითა და დაფინანსებით