ერის სულიერი წინამძღოლი ურთულეს პერიოდში - ილია II-ის ეპოქალური მოღვაწეობა ერთ კრებულში.

მალე გამოვა ჟურნალ „გული გონიერის“ ახალი, №32 ნომერი, რომელიც უწმიდესისა და უნეტარესის, სრულიად საქართველოს კათოლიკოს-პატრიარქის, ილია II-ის ხსოვნას ეძღვნება. მისმა ხანგრძლივმა, მდიდარმა და ყოვლისმომცველმა საპატრიარქო მსახურებამ განსაკუთრებული კვალი დატოვა ეკლესიისა და ერის ცხოვრებაში. ამის ყველაზე ნათელი მაგალითი დამოუკიდებლობის აღდგენის ურთულესი პერიოდია, როდესაც მან ერის სულიერი წინამძღოლის ტვირთი ითავა.

„ღმერთი, სამშობლო, ადამიანი“ - სწორედ ამ საღვთო ტრიადას დააფუძნა პატრიარქმა ეკლესიის პასუხი სეკულარული ეპოქის იდეოლოგიურ თუ ეგზისტენციალურ გამოწვევებზე.

ნომერში წაიკითხავთ პატრიარქის მრავალმხრივ მოღვაწეობაზე:

მისიონერულ მსახურებაზე;

საზოგადოების დაბრუნებაზე ლიტურგიკულ და ევქარისტიულ ცხოვრებასთან;

სარწმუნოებისა და მეცნიერების, რწმენისა და გონების შერწყმასა და ინტელიგენციასთან ღრმა დიალოგზე;

ქართული ეკლესიის საერთაშორისო ურთიერთობებსა და ავტოკეფალიის აღიარებაზე;

საეკლესიო ხელოვნების, გალობის, განათლებისა და სოციალური მსახურების აღორძინებაზე.

ნომერში ასევე შესულია პირადი მოგონებები და მემუარები, რომლებიც უკეთ წარმოაჩენს პატრიარქის ქარიზმატულ პიროვნებასა და მამობრივ სიყვარულს.

ავტორები: მიტროპოლიტი დანიელი (დათუაშვილი), მიტროპოლიტი ნიკოლოზი, არქიმანდრიტი ადამ ახალაძე, სერგო ვარდოსანიძე, თეიმურაზ ბუაძე, გიორგი გვასალია, ქეთი სირაძე, მონაზონი ელენე (ნაფეტვარიძე), ნუგზარ პაპუაშვილი, ნანა ბურჭულაძე, მანანა ანუა.

ჩვენი გამოცემის მიზანია, მკითხველს კიდევ ერთხელ დაანახოს ის უდიდესი ეპოქა, რომელიც ქართველმა ერმა პატრიარქის წინამძღოლობით განვლო და დაეხმაროს საკუთარი სულიერი მემკვიდრეობის გააზრებაში.