ჟურნალი „გული გონიერი“

ჟურნალი „გული გონიერი“ ფასეულობითი განათლების საგანმანათლებლო პროექტის ერთ-ერთი მნიშვნელოვანი ნაწილია, რომელიც საზოგადოება „ივერიისას“ ეგიდით ხორციელდება. პროექტის მიზანია, ადამიანებს დაეხმაროს ტრადიციულ რელიგიურ და ეროვნულ ღირებულებებზე დაფუძნებული მსოფლმხედველობის ჩამოყალიბებასა და საკუთარი იდენტობის გაცნობიერებაში.

ამ მიზნის შესაბამისად, ჟურნალის ფურცლებზე განიხილება თანამედროვე ადამიანის მსოფლმხედველობრივ და იდენტობრივ პრობლემებთან დაკავშირებული საკითხები. განსაკუთრებული ყურადღება ეთმობა იმ სულიერ, კულტურულ და ინტელექტუალურ გამოწვევებს, რომლებიც პიროვნებისა და საზოგადოების ფასეულობით ორიენტირებს განსაზღვრავს.

ფასეულობითი განათლება არ არის განკუთვნილი მხოლოდ სპეციალიზებული აკადემიური წრისათვის — იგი ფართო საზოგადოებას მიმართავს. შესაბამისად, „გული გონიერიც“ ფართო მკითხველზეა გათვლილი და რთული საკითხების მეცნიერულ სიღრმეს მკაფიო, გასაგებ და ხელმისაწვდომ ენასთან აერთიანებს.

ჟურნალი წელიწადში სამჯერ გამოიცემა. მის მომზადებაში მონაწილეობენ ავტორიტეტული თეოლოგები, ფილოსოფოსები, ისტორიკოსები, ლიტერატურის მკვლევრები და ხელოვნებათმცოდნეები. ჟურნალის ყველა ნომერი ელექტრონული ფორმით ხელმისაწვდომია საზოგადოება „ივერიისას“ ვებგვერდზე.

გული გონიერი #31/2026

საგანმანათლებლო-პუბლიცისტური ჟურნალი (სააღდგომო გამოცემა)

2026-04-12